Люкаськемъёсыз праздникен ӟечкылазы Кизнер ёросысь депутатъёслэн кенешсылэн тӧроез В.П.Андреев, Кизнер ёросысь культурая управленилэн кивалтӥсез И.Н.Акачева но «Удмурт Кенеш» огазеяськонлэн Кизнер ёросысь ёзэтэзлэн кивалтӥсез В.С.Савельева.

Фестивале пыриськизы Кизнер ёросысь пӧртэм арлыдо ньыль семьяос. Соос улэм-вылэмзэс но асьсэ быгатонлыкъёссэз пӧртэм тунсыко амалъёсын возьматӥзы. Вань семьяосты дуно кузьымъёсын но таукаронъёсын пусйизы. Озьы ик, котькуд семья басьтӥз на нимтул: Семаковъёс — «Шудо семья», Соколовъёс — «Выжыоссэ утись семья», Галушкинъёс — «Кибашлы семья» но Смеловъёслэн семьязы «Усточи семья» луиз.