Озьы ик Коллегие вуылӥзы элькунысьтымы пӧртэм калык огазеяськонъёслэн кивалтӥсьёссы, ёрос администрациосысь йӧскалык ужпумъёс понна кыл кутӥсь ӧнерчиос.

Ужрадэз усьтыса вераськиз Кун Кенешысь ялан ужась комиссилэн кивалтӥсез, «Удмурт Кенеш» огазеяськонлэн Тӧроез Татьяна Ишматова. Нош валтӥсь докладэз лэсьтӥз Йӧскалык политикая министрлэсь ужзэ быдэсъясь Эдуард Петров. Со Министерстволэн 2021-тӥ арын ужезлы пыр-поч йылпумъянъёс лэсьтӥз, мер огазеяськонъёслэсь ӵектосъёссэс пусйиз, ужан арлы выль ужпумъёсты, сюлмаськонъёсты тодмостӥз.