Можга кар но ёрос ёзэтмылэн кивалтӥсез ужезлэсь дырызлэсь вазьгес куштӥськемен, кивалтӥслэсь ужзэ быдэсъяны оскемын Григорий Владимировлы, ёзэтлэн азьвыл кивалтӥсезлэн воштӥсезлы, Пичи кенешлэн ёзчиезлы, Можга карысь Трокай Борисов нимо дышетӥсьёсты дасянъя колледжлэн кивалтӥсезлы.

Люкаськемъёс озьы ик эскеризы «Удмурт нылкышно кенеш» огазеяськонлэн ёрос ёзэтэзлы кивалтӥсе кандидатураез. Можга карысь но ёросысь нылкышноосын ужаны быръемын Надежда Кокарева, Бадӟым Учаысь территориальной отделлэн кивалтӥсез.

Правлениез нуиз Можгаысь ёрос но кар кенешлэн азьвыл кивалтӥсез, али дыре Йӧскалык политикая министрлэсь ужзэ быдэсъясь Эдуард Петров.