Ӵукна ик 8 час 30 минутэ ёзчиосмы люкаськизы Йӧскалык музей дорын интыяськем Кузебай Герлы сӥзем синпелет вӧзы.

Киязы сяськаосын соос лыктӥзы Быдӟым Вормон нуналэз пусйыны. Ӵошен данъязы Быдӟым Атыкай оже пыриськемъёсты, буре ваизы батырлыко ожмаськем калыкмес, йыбырттӥзы ваньзылы, кин дуриз Вормонэз!

Люкаськемъёс озьы ик ог-огзэс праздникен ӟечкыласа, ог-огзылы капчи мылкыд кузьмаса Вормонлы сӥзем удмурт кырӟанъёсты кырӟазы.